Hverfisgata 86

Endurbótum við húsið að Hverfisgötu 86 er lokið og er það komið í sölu. Í húsinu eru þrjár íbúðir, á jarðhæð, miðhæð og í risi.

Óhætt er að segja að engu hafi verið til sparað við endurbætur á húsinu en þær voru unnar í samvinnu við Minjastofnun og borgaryfirvöld. Hverfisgata 86 er hluti af fallegri húsaþyrpingu eldri húsa á svæði sem afmarkast af Laugavegi, Vitastíg, Hverfisgötu og nýrri göngugötu sem verið er að gera milli Hverfisgötu og Laugavegs.

Í nágrenni hússins er unnið við endurbætur fleiri eldri húsa. Þau munu skapa sérstaka og glæsilega þyrpingu sem gengur undir nafninu Vitaþorp hjá byggingaraðila.

Íbúðirnar eru flestar tilbúnar til afhendingar með glæsilegum innréttingum og gólfefnum. Nánari upplýsingar er hægt að nálgast hjá fasteignasölunum Mikluborg, Eignamiðlun og Landmark.